Russar fáa ikki ukrainskt landøki í friðaravtalu

Ukrainski forsetin, Volodymir Zelenskyj útihýsir møguleikanum fyri  at lata russum ukrainskt landaøki í eini friðaravtalu við Russland.

- Fær Putin fyrst landaøki, fer hann at krevja meira, sigur Zelenskyj í samrøðu við BBC, nú skjótt eitt ár er liðið síðani russisku innrásina í Ukraina.

- Ein og hvør semja um landøki ger okkum veikari sum ríki, segði Zelenskyj við bretska kringvarpið.

- Tað snýr seg ikki um tað at gera neyðsemju. Hví skulu vit stúra fyri tí? Vit gera fleiri milliónir neyðsemjur í lívinum. Men spurningurin er: Við hvønn? Neyðsemja við Putin? Nei, tí einki álit er á honum, segði Zelenskyj við BBC.