Kinesiski forsetin boðin á vitjan í Iran

Kinesiski forsetin, Xi Jinping, hevur tikið av innbjóðingini um at koma á almenna vitjan í Iran.

Ebhramhin Raisi, forseti í Iran, hevði boðið Jinping á vitjan, sæst í felags kunning frá Iran og Kina.

Raisi hevur verið í kinesiska høvuðsstaðnum Beijing í tríggjar dagar.

Hava tætt samband

Endamálið við ferðini er at styrkja búskaparliga samstarvið millum londini.Enn er ikki greitt, nær vitjanin í Iran verður.

Iran og Kina hava tætt búskaparligt samstarv m.a. um orku, landbúnað, handil og íløgur. 

Kina er størsti handilsfelagi hjá Iran, skrivar NTB.