- Tíðindi, mentan og ítróttur
Fíggjarlógaruppskotið lagt fram í dag
Fíggjarlógaruppskotið lagt fram í dag
Uppskotið hevur størri avlop enn uppskotið í fjør, sigur Ruth Vang, landsstýriskvinna í fíggjarmálum

Fyrsta fíggjarlógaruppskotið hjá Ruth Vang, landsstýriskvinnu, verður lagt fram í dag.
Mynd: Bjarni Árting Rubeksen
14.02.2023 - 09:09
Fyrsta fíggjarlógaruppskotið hjá hesari samgonguni verður lagt fram á løgtingsfundi klokkan 11 fyrrapartin.
Útgangsstøðið er fíggjarlógaruppskotið, sum var lagt fram í heyst, við tillagingum og framskrivingum.
Tað uppskotið datt burtur, tí val var útskrivað.
Størri avlop
Uppskotið, sum verður lagt fram í dag hevur størri avlop, enn uppskotið í fjør, sigur Ruth Vang, landsstýriskvinna í fíggjarmálum. Uppskotið í fjør hevði 12 milliónir í avlopi.
Sambært uppskotinum verður blokkurin úr Danmark skorin 25 milliónir krónur, sum eisini stendur í samgonguskjalinum.
Fyrsta viðgerð av fíggjarlógaruppskotinum verður hósdagin, sigur Ruth Vang.
Nýggjastu sendingar í ÚV
Nýggjastu sendingar í SV