Stytt arbeiðsvika fer at avmarka møguleikarnar fyri lønarhækkingum

Stytt arbeiðsvika fer at avmarka møguleikarnar fyri lønarhækkingum
Føroya Arbeiðsgevarafelag ger vart við, at verður arbeiðsvikan stytt, sum landsstýrið ætlar, so fær tað ávirkan á komandi sáttmálasamráðingarnar
Hjá nógvum arbeiðsgevarum fer tað at raka teir fíggjarliga, um arbeiðsvikan verður stytt, og tað fær avleiðingar fyri treytirnar á arbeiðsmarknaðinum.
Mynd: Bjarni Árting Rubeksen  
 
07.02.2023 - 06:50

Um arbeiðsgevarar fáa ein fíggjarligan smeit av, at arbeiðsvikan verður stytt við lóg, so fer tað at ávirka lønarsamráðingarnar á arbeiðsmarknaðinum.

Tað sigur sigur Niels Winther, stjóri í Føroya Arbeiðsgevarafelagi.

Ingilín Strøm, landsstýriskvinna í arbeiðsmarknaðarmálum, ætlar sær í tingið við lógaruppskoti um styttri arbeiðsviku, áðrenn løgtingið fer í summarfrí. 


Ingilín D. Strøm, landsstýriskvinna í arbeiðsmarknaðarmálum (Mynd: Bjarni Árting Rubeksen)

 

Stendur í samgonguskjalinum

Í samgonguskjalinum stendur um ætlanina at stytta arbeiðsvikuna:

"Arbeiðsvikan verður stytt niður í 37 tímar. Trípartasamráðingar verða tiknar upp um at stytta arbeiðsvikuna við einum tíma annaðhvørt ár, til hon er komin niður á 37 tímar. Arbeiðsvikan verður skipað við lóg."

Landsstýriskvinnan í arbeiðsmarknaðarmálum ætlar sær at hava hesar trípartasamráðingar við partarnar á arbeiðsmarknaðinum, áðrenn hon fer í løgtingið við uppskotinum. 

Føroya Arbeiðsgevarafelag vil fegið við til hesar samráðingarnar, sigur Niels Winther, stjóri. 

 

Rakar ymiskt

Tað er tó ymiskt, hvussu eitt uppskot um at stytta arbeiðsvikuna fer at ávirka limirnar hjá Føroya Arbeiðsgevarafelag.

"Um tað endar við, at okkara limir fáa álagt eyka gjald av einari styttari arbeiðsviku, so fer tað at ávirka møguleikarnar fyri eitt nú lønarhækkingum í komandi sáttmálasamráðingum," ávarar Niels Winther, stjóri í Føroya Arbeiðsgevarafelag. 

Stjórin í Føroya Arbeiðsgevarafelag heldur ikki, at tað eigur at vera neyðugt at lóggeva fyri at stytta um arbeiðsvikuna. Tað eiga partarnir á arbeiðsmarknaðinum at finna út av sjálvir, heldur Niels Winther.

 

Niels_Winther_um_styttri_arbeidsviku

 

Er kopiera
Nýggjastu sendingar í ÚV
Týsdag 18. mars
LEITISSTEIN 18.03.2025 (FMA 2025)
189394
Týsdag 18. mars
Morgunlestur týsdagur 18.mars 202
189184
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Nýggjastu sendingar í SV
Týsdag 18. mars
Veðrið
189386
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238