- Tíðindi, mentan og ítróttur
Fíggjarlógin er á veg í løgtingið

Uppskot um fíggjarlógina fyri 2023 er á veg í løgtingið.
Ruth Vang, landsstýriskvinna, sigur, at tey miða eftir at lata løgtinginum uppskotið fríggjadagin.
Eydnast tað, verður uppskotið lagt fram á næsta tingfundi, sum verður 14. februar.
Ruth Vang sigur, at tær stóru broytingarnar eru ikki gjørdar samanborið við uppskotið hjá undanfarnu samgongu.
Okkurt er tó broytt.
Sæst ikki aftur fyrr enn í 2024
Politikkurin hjá samgonguni, sum nú er, kemur ikki fyrr enn í fíggjarlógini fyri 2024.
Uppskotið um fíggjarlóg hjá undanfarnu samgongu fór í fíggjarnevndina eftir fyrstu viðgerð 6.oktober.
Men tað uppskotið fall burtur 8. desember, tá løgmaður boðaði frá vali.
Fíggjarnevndin viðgjørdi uppskotið á trimum fundum.