Lóg um grundvatn á veg

Lóg um grundvatn á veg
Almennir myndugleikar skulu fáa atgongd til privata ogn, tá endamálið er at seta upp útbúnað til at gagnnýta grundvatn
Lógin, sum nú er á veg, skal fáa til vegar greiðar reglur um, hvussu loyvi kann veitast at gagnnýta grundvatn. (Savnsmynd)
 
27.01.2023 - 09:52

Uttanríkis- og vinnumálaráðið hevur gjørt eitt uppskot um lóg um grundvatn.

Ráðið sigur, at higartil eru møguleikarnir at vinna burturúr ella á annan hátt at gagnnýta grundvatn í Føroyum lítið kannaðir. 

Kortini hevur kelduvatn, grundvatn, sum spríkir úr undirgrundini, leingi verið brúkt sum vatnveiting til bygdir.

Og fólk hava vitað um heitar keldur í øldir.

Tunlarnir, sum eru gjørdir í Føroyum, hava avdúkað, at nógv vatn er í undirgrundini. 

 

1000 jarðhitahol

Síðani farið var undir jarðhitaboringar í Føroyum fyri 15 árum síðani, eru yvir 1000 jarðhitahol borað. 

Lógin, sum nú er á veg, skal fáa til vegar greiðar reglur um, hvussu loyvi kann veitast at gagnnýta grundvatn.

Millum annað er uppskotið, at landsstýrið kann taka gjald fyri loyvið.

Lógaruppskotið gevur almennum myndugleikum atgongd til privata ogn, tá endamálið er at seta upp útbúnað til at gagnnýta grundvatn. 

Harumframt fáa almennir myndugleikar atgongd til privata ogn, um tað er neyðugt at gera fyrireikandi uppmátingar, annað tøkniligt fyrireikingararbeiði og aðrar kanningar.

Er kopiera
Nýggjastu sendingar í ÚV
Týsdag 18. mars
Morgunlestur týsdagur 18.mars 202
189184
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Nýggjastu sendingar í SV
Týsdag 18. mars
Veðrið
189386
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238