Klaksvík og St. Pætursborg eru enn vinarbýir

Klaksvík og St. Pætursborg eru enn vinarbýir
Klaksvíkar býráð hevur enn ikki tikið støðu til vinabýarsamstarvið millum Klaksvík og St. Pætursborg í Russlandi
Klaksvíkar býráð hevur enn ikki tikið støðu til, um Klaksvík skal slíta sambandi við russiska býin St. Pætursborg, hóast tað er nærum eitt ár síðani Russland leyp á Ukraina
Mynd: Shutterstock.com  
 
16.01.2023 - 17:37

Tað eru nærum 11 mánaðir síðani russisku innrásina í Ukraina, men Klaksvíkar býráð hevur enn ikki slitið vinabýarsamstarvið við Pushkinsky í St. Pætursborg. 

Í mars í fjør segði Karl Johansen, borgarstjóri í Klaksvíkar kommunu, at málið hevur verið umrøtt millum býráðslimir, og hann dugir ikki at síggja, hví Klaksvík ikki skal gera sum aðrir býir kring heimin gera í hesum førinum, altso slíta samstarvið.

Karl Johansen vil ikki gera samrøðu við útvarpið í dag, men sigur í stuttari viðmerking, at býráðið enn ikki hevur tikið støðu til málið. Hetta, hóast nærum eitt ár er liðið síðani hann kom við somu kunngerð.

 

Aarhus sleit sambandið

Summir býir kring heimin hava longu slitið sítt vinabýarsamstarv við russiskar býir, og aðrir umhugsa at gera tað sama. Eitt nú boðaði Aarhus frá í fjør, at teirra vinabýarsamstarv við St. Pætursborg heldur uppat orsaka av krígnum í Ukraina.

Klaksvík og St. Pætursborg hava verið vinabýir síðani 2019. Tá varð sagt, at ætlanin serliga var at samstarva um vinnu, mentan og ítrótt.

Er kopiera
Nýggjastu sendingar í ÚV
Mikudag 22. januar
Dansival 15 januar 2025
186695
Mikudag 22. januar
Góðan morgun Føroyar
186679
Mikudag 22. januar
Morgunlesturin mikudagur 22.januar 2025
186425
Týsdag 21. januar
LEITISSTEIN 21.01.2025 (Simona Paula)
186642
Nýggjastu sendingar í SV
Týsdag 21. januar
Veðrið
186636
Sunnudag 19. januar
Guðstænasta úr Hvannasunds kirkju
186535
Leygardag 18. januar
Andakt við Silasi Olofson - teknmálstulkað
186519
Leygardag 18. januar
Fletta í Kongsstovu - teknmálstulkað
186512