Skilir ikki atfinningarnar um samanlegging

Karl Johansen, borgarstjóri í Klaksvíkar kommunu, sigur, at øll mál, sum hava týdning fyri útoyggjarnar, vera viðgjørd í staðbundnum nevndum

Karl Johansen er borgarstjóri í Klaksvíkar kommunu.

Hallur av Rana

29.08.2022 - 18:00

- Eg skilji ikki handan kritikkin.

Tað sigur Karl Johansen, borgarstjóri í Klaksvíkar kommunu, tá hann verður spurdur um atfinningarnar hjá Óla Jákupi úr Dímun, formanni í Útoyggjafelagnum, sum í samrøðu í útvarpstíðindinum á middegi segði, at tað hevur ikki altíð eydnast so væl, tá útoyggjar hava lagt saman við størri kommunum.

Útoyggjafelagið, Aðalfundur í Skúgvi 2022

Frá aðalfundinum í Útoyggjafelagnum í Skúgvoy í gjár. Óla Jákup úr Dímun nummar er tvey á myndini høgrumegin. (Mynd: Útoyggjafelagið á Facebook)

Í Klaksvíkar kommunu er ein staðbundin nevnd fyri Svínoy, meðan bygdirnar í Kalsoynni, t.e. Trøllanes, Mikladalur, Húsar og Syðradalur, hava hvør sína.

Og har verða øll mál, sum á onkran hátt hava týdning fyri útoyggjarnar, viðgjørd, sigur Karl Johansen.

Hoyr innslag í útvarpstíðindunum:

29082022_Karl_Johansen_til_net