Tina og Kári kláraðu ikki Mads

Tina og Kári kláraðu ikki Mads
Bæði Tina Mellemgaard úr Hoyvík og Kári Fossdalsá av Toftum høvdu sungið seg í finaluna í X Factor, men tá avtornaði, so var tað danski Mads Moldt, ið vann X Factor
16 ára gamla danska stórtalentið Mads Moldt vann X Factor finaluna framman fyri Kára Fossdalsá og Tinu Mellemgaard
Mynd: Ritzau / Scanpix  
 
08.04.2022 - 20:06

X Factor-finalan var nógv merkt av Merkinum í ár, tí tveir av trimum luttakarum í finaluni vóru føroyingar. 

Talan var um 18 ára gomlu Tinu Mellemgaard og 25 ára gamla Kára Fossdalsá. 

Í finaluni stóðu føroyingarnir seg væl, men tey vóru uppi ímóti 16 ára gamla danska stórtalentinum Mads Moldt. 

Tina Mellemgaard byrjaði við at syngja sangin  "Love On Top" hjá Beyonce. Ein sera trupul sangur, sum hon fekk nógv rós fyri frá dómarunum. 

Kári Fossdalsá framførdi "Happy" hjá Pharrel Williams, sum hann framførdi saman við bólki sínum úr Aalborg. Eitt ynski, ið hevði nógv at siga fyri sjarmerandi og eygagóða toftamannin. 

Vegleiðararnir hjá føroyingunum, Kwami Liv og Martin Jensen, vóru væl nøgdir við framførslurnar hjá Trinu og Kára. 

Blackmann hevði lyndi til at gera kappingina til ein dyst millum Danmark og Føroyar, og hann heitti beinleiðis á danir um at atkvøða fyri danska luttakaranum, Mads Moldt. 

Søs Fenger framførdi saman við Tinu Mellemgaard, og hon hevði nógv hjartalig og rósandi orð til ungu føroysku tónlistakvinnuna. 

Framførslan hjá Kára Fossdalsá saman við danska folk-rokk-bólkinum Jonah Blacksmith var sera sannførandi. 

Tá avtornaði, so skuldu Kári Fossdalsá og Mads Moldt kappast um sigurin, og tað endaði við, at 16 ára gamli Mads Moldt vann. 

Og tað ber illa til at siga nakað til, at danska stórtalentið fór við sigrinum. Mads hevur verið mest sannførandi framførarin. 

 

 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208