- Tíðindi, mentan og ítróttur
Russiskt álop á ukrainska tokstøð kravt 35 mannalív
Russiskt álop á ukrainska tokstøð kravt 35 mannalív
Sivilfólkini royndu at flýggja úr økjum, sum russar hava valdið á, tá álopið var framt
Í minsta lagi 35 fólk doyðu, tá russiskar rakettir raktu tokstøðina har eysturi í Ukraina fyrrapartin.
Mynd: Ritzau Scanpix
08.04.2022 - 11:22
Russiskar rakettir hava rakt eina tokstøð í býnum Kramatorsk har eysturi í Ukraina, skrivar Reuters.
Í minsta lagi 35 fólk hava latið lív, og fleiri enn 100 sivilfólk eru særd í álopinum, skrivar AFP-tíðindastovan, sum hevur fólk á staðnum.
Ukrainski forsetin, Zelenskyj, sigur, at álopið er óndskapur.
- Hetta er markleysur óndskapur. Verður hann ikki revsaður, heldur hann ongantíð uppat, skrivar forsetin.
Ein av russisku rakettunum, sum vóru skotnar eftir tokstøðini í Kramatorsk. (Mynd: Ritzau Scanpix)
Royndu at flýggja
Almenna jarnbreytarfelagið í Ukraina hevur váttað russiska álopið á tokstøðina í Kramatorsk.
Sambært tíðindastovunum var álopið framt, meðan sivilfólk royndu at flýggja úr økjum har eysturi í Ukraina, sum russar hava valdið á.
Borgarstjórin í Kramatorsk sigur, at fleiri enn 4.000 fólk vóru stødd við tokstøðina, tá russar lupu á.
- Tey flestu vóru kvinnur, børn og gomul fólk, sigur borgarstjórin, Oleksandr Gontsjarenko.
Russland hevur víst aftur, at tað skipaði fyri álopinum.
Sí videobrot frá AP-tíðindastovuni her:
KROMATORSK_NET
Er kopiera
Nýggjastu sendingar í ÚV
Nýggjastu sendingar í SV
