Zelenskyj vil hava ES at herða handilstiltøkini móti Russlandi

Ukrainski forsetin, Volodomyr Zelensky, helt í dag røðu talgilt fyri danska fólkatinginum. 

Forsetin nýtti høvið at heita á Danmark, um at ganga á odda í royndi at fáa ES til at seta fleiri handilstiltøk í verk móti Russlandi. 

Hann greiddi eisini frá ræðuleikunum og oyðileggingunum seinasta mánaðin. 

Sí brot úr røðu hjá Zelenskyj her

Ukrainski forsetin setti spurnartekin við, hvussu ræðuleikarnir í Mariupol, sum hevur verið kringsettur í fleiri vikur, kunnnu henda, meðan allur heimurin hyggur at og einki ger. 

Volodomyr Zelensky heitti eisini á Danmark um at gevast við at keypa olju og gass úr Russlandi, og at enda heitti hann á danska fólkið um at tendra eitt ljós í kvøld fyri Ukraina, fyri tey mongu, sum hava latið lív síðani russiska innrásin byrjaði. 
 

Sí myndir frá AP-tíðindastovuni úr fólkatinginum, tá ukrainski forsetin helt røðu.