Hiddenfjord heiðrað fyri burðardygd

Hiddenfjord fær virðislønina, tí fyritøkan gavst við at flyta laksin út í heim við flogfari. 

SEAL er ein av týdningarmestu heiðurslønunum fyri burðardygd í USA.

"Virksemi, vit hava í dag, skal ikki skal leggja fót fyri framtíðarvirksemi. Vit vilja, at alivinnan gerst uppaftur burðardyggari, soleiðis at vinnan fær bestu umstøður at virka undir í dag og í framtíðini. Alt okkara virksemi skal vera innan fyri karmar, sum náttúran setur, og í samljóði við náttúruna," sigur Atli Gregersen, stjóri, m.a. í tíðindaskrivinum.

Atli kann gerast ársins leiðari

Atli Gregersen er eisini í uppskoti sum Business Leader of the Year til edie Sustainability Leaders Awards, sum er størsta virðisløn fyri burðardygd í Bretlandi. 

Business Leader of the Year heiðurslønin er grundað á arbeiðið hjá Hiddenfjord fyri burðardygd og djóravælferð seinastu trý áratíggjuni.

Vinnarin verður kunngjørdur 2. februar.