- Tíðindi, mentan og ítróttur
H71 skal til Serbia
H71 skal til Serbia
ZRK Naisa Nis eitur mótstøðuliðið hjá H71 kvinnunum, tá tær skulu spæla áttandapartsfinalur í EHF Europa Cup-kappingini í januar
Maria Hallsdóttir Weyhe og hinar í H71 fáa eina trupula uppgávu í móti ZRK Naisa Nis úr Serbia
Mynd: Jan Sørensen
23.11.2021 - 11:22
H71-kvinnurnar skal spæla móti serbiska liðnum ZRK Naisa Nis í áttandapartsfinaluni í EHF-kappingini.
Lutakastið var fyrrapartin.
H71 væntar sær ein harðan dyst. Á heimasíðuni skrivar felagið:
"Uttan iva man tað vera harðasta mótstøðan higartil í EHF Europa Cup-kappingini, ið bíðar H71 í áttandapartsfinaluni, tí serbiska mótstøðuliðið kann væntast at vera eitt stig sterkari enn Spono Eagles og sjálvandi fleiri stig sterkari enn WHC Cair."
Í løtuni liggur ZRK Naisa Nis á einum fjórða plássi í serbisku kappingini, sum telist millum tær frægu í Evropa.
H71 skrivar á heimasíðuni, at felagið fer at royna enn einaferð at fáa báðar dystirnar spældar í Føroyum.
Annars eigur ZRK Naisa Nis heimadyst 8. ella 9. januar, og H71 eigur heimadyst 15. ella 16. januar.
Er kopiera
Nýggjastu sendingar í ÚV
Nýggjastu sendingar í SV
