Stórar ábøtur á Múlavegin kosta 52 mió. kr.

Kostnaðarmetingin fyri vegin til Múla er 52 mió.kr. 

Hetta stendur í svari, sum Jørgen Niclasen, landsstýrismaður, hevur givið Frimodti Rasmussen, løgtingsmanni, um Múlavegin.

Í samferðsluætlanini fyri 2018-2030 verður mælt til at gera vegakslar fram við vegnum, fleiri víkipláss, bilverju og at asfaltera allan vegin. 

Hetta verður mett at kosta 52 mió.kr.

Múlavegurin er sjey kilometrar langur. Hann varð gjørdur í áttatiárunum

Í ár eru játtaðar 500.000 kr. til vegin. Tær eru brúktar til ábøtur, bilverju og annað.

Múlavegurin er einasti landsvegur, sum ikki allur er asfalteraður.