Dupult so nógvir bilar, men færri ferðsluóhapp

Meira enn dupult so nógvir bilar eru í Føroyum nú, enn tað vóru um aldaskiftið.

Nú eru yvir 40.000 akfør skrásett í Føroyum, sigur Hagstovan.

Men ferðsluóhappini er nógv færri nú.

Tey vóru millum 1.200 og 1.300 um árið fyrst í øldini. Í fjør vóru tey 410, upplýsir løgreglan.  

Nógv færri fólkaskaðar eru nú. Og tey, sum verða ákærd fyri rúsdrekkakoyring, eru eisini færri.