ES umhugsar at brúka russiskt koppingarevni

Russiska koppingarevnið fyri koronu, Sputnik-5, verður møguliga góðkent at brúka í Evropasamveldinum. 

Tað upplýsir evropeiski heilivágsstovnurin EMA, sum av sínum eintingum er farin at eftirkanna hetta koppingarevnið.

Sambært tíðindastovuni Reuters kann tað merkja, at fleiri ES-lond fara at góðkenna Sputnik-koppingarevnið longu í mars mánaði.

Koppingarevnið longu brúkt í ES-londum

Góðkenna fleiri ES-lond koppingarevnið, so kann Russland veita ES-londunum heilar 50 milliónir skamtar av koppingarevni longu í juni.

Sputnik-koppingarevnið verður longu brúkt í fleiri ES-londum, eitt nú Ungarn, sjálvt um tað ikki er góðkent av ES.

Norska kringvarpið skrivar, at verður Sputnik-koppingarevnið góðkent í ES, so verður tað væntandi eisini góðkent at brúka í Noregi.