Tvøroyri: Fíggjarætlanin javnvigar við 97,6 mió.

Tvøroyrar býráð samtykti mánakvøldið fíggjarætlanina fyri 2021.

Fíggjarætlanin javnvigar við 97,6 milliónum krónum. Í 2019 var fíggjarætlanin 104 milliónir. 

Inntøkurnar frá persónsskatti, avgjøldum og afturberingini av eldratænastuni taka støði í metingunum hjá TAKS.

Inntøkurnar hjá Tvøroyrar kommunu næsta ár verða mettar til 86,1 millión krónur. Tað eru slakar fýra milliónir meira enn í ár. Vøksturin er 4,8 prosent.

Skattaprosentið í Tvøroyrar kommunu er í løtuni 20,9 prosent, og tað verður tað eisini í 2021.

Eisini barnafrádrátturin verður órboyttur í næsta ár, 7.000 krónur fyri hvørt barnið.