Hallið í ár verður 500 til 800 mió. kr.

Landsstýrið hevur í tveir dagar m.a. umrøtt uppskotið til fíggjarlóg fyri næsta ár á Hotel Brandan í Havn.

Jørgen Niclasen, landsstýrismaður, vil ikki gera stórvegis viðmerkingar til uppskotið enn, men hann viðgongur, at tað er torførari at gera eitt uppskot í ár, enn vanligt hevur verið, tí inntøkurnar eru nógv minkaðar.

Hansara meting er, at hallið á fíggjarlógini fyri í ár verður millum 500 og 800 milliónir kr.

Og gongdin fer eisini at merkjast næsta ár, og tí er torført at gera uppskotið.

Arbeiðið við fíggjarlógini heldur fram næstu dagarnar, og uppskotið verður lagt fyri løgtingið seinast í september, sigur Jørgen Niclasen, landsstýrismaður.