Nógv fleiri kvinnur enn menn í útbúgving

Nógv fleiri kvinnur enn menn eru í útbúgving. Í løtuni eru 938 fólk skrásett sum lesandi, 627 kvinnur og 311 menn. Tveir triðingar eru kvinnur.

Í summum útbúgvingum eru bara kvinnur í løtuni. Dømi er bachelorútbúgvingin í sjúkrarøktarfrøði. Har er eingin maður í løtuni. 

Í bachelorútbúgvingini í námsfrøði eru frá 2010-2019 millum 81 prosent og 97 prosent kvinnur. Men í bachelorútbúgvingini í KT-verkfrøði eru yvir 90 prosent menn.

Jenis av Rana, landsstýrismaður, hevur svarað Jóhannisi Joensen, løgtingsmanni, sum spurdi um kyn og útbúgving.