Kommunufelagið: Jørgen misnýtir valdið

Kommunufelagið: Jørgen misnýtir valdið
Her er talan um valdsreingjan, og tað er eitt álvarsligt fyrisitingarligt brot, sigur felagið, sum mótmælir, at lønarsáttmálin ikki verður góðkendur
Eyðun Christiansen er stjóri í Kommunufelagnum
 
10.06.2020 - 15:58

Landsstýrismaðurin í fíggjarmálum misnýtir valdið og fremur valdsreingjan, ið er eitt álvarsligt fyrisitingarligt brot.

Tað eru boðini frá Eyðuni Christiansen og Kommunufelagnum í dag.

Í skrivi, sent miðlunum, sigur felagið, at kommunurnar mótmæla avgerðini hjá Fíggjarmálaráðnum um ikki at góðkenna sáttmálan, sum Kommunala arbeiðsgevarafelagið gjørdi við Starvsmannafelagið 2. juni.

Samstundis heita tey á landsstýrismannin um at endurskoða hesa avgerð beinanvegin.

Jørgen Niclasen hevur millum annað víst á, at hann, áðrenn skrivað varð undir sáttmálan, hevði heitt á partarnar um at vísa hógv. Men landsstýrismaðurin hevur ikki heimild at geva slík boð, vil Kommunufelagið vera við. 

Hetta - at misnýta tað valdið, sum lógin hevur givið tær til at fremja eitt heilt annað endamál enn tað, sum lógin er um, eitur á lógarmáli valdsreingjan, og er altíð eitt álvarsligt fyrisitingarligt brot, sigur Kommunufelagið í skrivi.

Samrøða verður við Eyðun Christiansen, stjóra í Kommunufelagnum, í útvarpstíðindunum klokkan 17.

Er kopiera
Nýggjastu sendingar í ÚV
Leygardag 26. apríl
Jambalaja - 260425
191096
Leygardag 26. apríl
Her er flaggdagsrøðan hjá Ben Arabo
191094
Leygardag 26. apríl
Upp á tá - 250425
191091
Leygardag 26. apríl
Vikan 26. apríl 2025
191088
Leygardag 26. apríl
Morgunlestur leygardagur 26.apríl 2025
190972
Nýggjastu sendingar í SV
Fríggjadag 25. apríl
KAKUMiKS (4:7)
191050
Hósdag 24. apríl
Útilív 6:6
191066
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949