Kunnu ikki siga, hvør hevur søkt

Als er ikki til reiðar enn at svara spurninginum, um Als skal upplýsa alment, hvørjar fyritøkur hava søkt um pengar til síni starvsfólk úr lønarískoytisskipanini hjá Als.

Kringvarpið hevur biðið um innlit í, hvørjar fyritøkurnar eru, sum hava søkt - ikki, hvørji fólkini eru, sum fáa pengar úr lønarískoytisskipanini.

Málið kannast fyrst

Fyrr í vikuni høvdu 924 fyritøkur søkt.Eyðfinnur Jac obsen, formaður í stýrinum hjá Als, ivast í, um hetta innlitið kann latast.

Ikki verður til dømis upplýst alment, hvør fær arbeiðsloysisstuðul. Men stýrisformaðurin hevur tó einki endaligt svar í dag. Málið skal kannast fyrst, og stýrið skal eisini viðgera tað.

Als-stýrið hevur fund fyrst í mai. Vanliga eru stýrisfundirnir mikudag. Fyrst mikudagur í mai er tann 6.