Korona: Danska stjórnin ætlar at herða tiltøkini

Korona: Danska stjórnin ætlar at herða tiltøkini
Nú skulu ikki fleiri enn tvey fólk savnast í senn
Mette Frederiksen, forsætisráðharri, ætlar nú at herða koronatiltøkini munandi
 
26.03.2020 - 09:11

Danska stjórnin hevur gjørt eitt uppskot um at tillaga ásetingina um, hvussu nógv fólk kunnu savnast í hesum korona-tíðum.

Í løtuni kunnu í mesta lagi 10 persónar savnast, men nú vil danska stjórnin hava møguleika at kunna lækka hetta talið eftir tørvi, vísir eitt bræv frá Mette Frederiksen, forsætisráðharra, til formannin í fólkatinginum.

Sambært upplýsingum, sum danska TV2 hevur fingið, ætlar stjórnin at banna fleiri enn tveimum fólkum at savnast.

Fyribyrgjandi lóg

Talan er um fyribyrgjandi lóg, sum skal tryggja løgregluni røttu amboðini, nú páskafrítíðin stendur fyri durum, fólkatingið fer í páskafrí og tí ikki kann samtykkja nýggja lóggávu.

Lógin skal eisini geva heimild til at banna atgongd til ávís øki, har nógv fólk kunnu savnast, t.d. spælipláss og ítróttarvøllir.

Sum er, hevur løgreglan ikki heimild at leggja uppí, fyrr enn fleri enn 10 fólk eru savnað saman. 

Lógarbroytingin verður løgd fyri fólkatingið í dag, og fær  helst 2. og 3.viðgerð týsdagin. Ætlanin er, at lógin skal koma í gildi 4.apríl.

Hækka bøtur

Í uppskotinum verður eisini mælt til at hækka bøturnar fyri brot á reglur, í sambandi við koronafarsóttina.

Danski løgmálaráðharrin, Nick Hækkerup, segði á tíðindafundi í gjár, at myndugleikarnir fara at revsa tey harðari, sum fremja brotsverk í sambandi við koronafarsóttina, t.d. at stjala verndarútgerð, og stuldur og svik á internetinum. 

Eisini verður revsingin fyri at svikavið hjálparpakkanum til vinnulívið herd upp í fýra ferðir.

Er kopiera
Nýggjastu sendingar í ÚV
Sunnudag 16. februar
Bolero - Bartok, Hindemith og Rota
187832
Sunnudag 16. februar
Guðstænasta úr Havnar kirkju
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762