Fleiri grindir løgdu beinini í 2019

Heimasíðan Heimabeiti.fo hevur gjørt eitt yvirlit yvir grindir, sum hava lagt beinini síðani 2013. Talið av grindum er sera ymiskt frá ári til ár. 2017 er met árið. Har var skinnatalið 9396, og tali av grindahvalum var 1203.

Næst flestir hvalir løgdu beinini í 2013. Tá var samlaða skinnatalið 8302, meðan talið av grindahvalum var 1104.

Og 2019 var ein framgongd frá 2018. Tí í 2019 var skinnatalið 5462, hvalirnir 682 í tali, meðan skinnatalið í 2018 var 4675, og hvalirnir 524 í tali.

Samlaða yvirlitið yvir skinnatal frá Heimabeiti sær soleiðis út:

2013 - 8302, 1104 hvalir

2014 - 341, 48 hvalir

2015 - 3598, 508

2016 - 2115, 296 hvalir

2017 - 9396, 1203 hvalir

2018 - 4675, 524 hvalir

2019 - 5462, 682 hvalir

Heimabeiti.fo veit eisini at siga, at síðani 1928 hevur grind lagt beinini á hvørjum ári uttan í 2008, tá eingin grind varð hildin til.

Hvannasund sigur meti sum tann hvalvágin, sum hevur hildið flest grindir til frá 2000 til 2017. Har hava í alt 21 grindir verið hildnar til í hesum tíðarskeiði.

Harnæst er Tórshavn, sum hevur hildi 18 grindum til í tíðarskeiðnum, og Hvalba, sum hevur havt 10 grindir frá 2000 og til 2017