Eingin tekin um systemiskar váðar

Eingin tekin um systemiskar váðar
Útlánsvøksturin økist framhaldandi og Føroya Váðaráð heldur tí eyga við, hvussu skjótt útlánini vaksa. Váðaráðið hevur hildið sín sætta fund
Malan Johansen er forkvinna í Føroya Váðaráðið
 
31.05.2019 - 18:48

Føroya Váðaráð heldur ikki, at tekin eru um, at systemiskir váðar eru í føroyska bankageiranum, men heldur tó eyga við viðurskiftum, ið kunnu ávirka fíggjarliga støðufestið.
 
Tað er niðurstøðan, eftir at Føroya Váðaráð hevur verið á fundi fyri sættu ferð. 

Útlánsvøksturin økist framhaldandi og Føroya Váðaráð heldur tí eyga við, hvussu skjótt útlánini vaksa, boðar Føroya Váðaráð frá í tíðindaskrivi seinnapartin. 

Samlaðu útlánini í mun til BTÚ vaksa, men eru kortini væl minni enn áðrenn undanfarnar kreppur. 

Útlán til vinnuna sum heild vaksa ikki merkisvert, men útlánsvøksturin er stórur í einstøkum vinnugreinum, eitt nú í byggivinnuni. 

Útlán til kommunur og almennar fyritøkur vaksa skjótast men tey hava minni váða fyri peningastovnarnar enn útlán til privata geiran.

Tó kann útláns­vøksturin til tað almenna vísa seg ikki at vera skynsamur í núverandi búskapar­gongd, tí fíggjarpolitikkurin í verandi støðu ikki eigur at stimbra eftirspurningin í búskapinum, vísir Váðaráðið á. 

Umboð frá "Det Systemiske Risikoråd" luttóku á fundinum við Føroya Váðaráð. Farið er undir at greina kapitalbuffaran í Føroyum, og tað verður gjørt í samstarvi millum Føroya Váðaráð og danska váðaráðið.

Er kopiera
Nýggjastu sendingar í ÚV
Sunnudag 23. februar
Guðstænasta Í Norðskála kirkju
188169
Sunnudag 23. februar
Kallið: "Eg varnaðist, at deyðin var har".
188104
Leygardag 22. februar
Jambalaja - 220225
188155
Leygardag 22. februar
Upp á tá - 210225
188152
Nýggjastu sendingar í SV
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151