Bumbuspreinging í Lyon

Bumbuspreinging í Lyon
Franska løgreglan hevur almannakunngjørt eina mynd av manninum, sum hon heldur, framdi bumbuálopið í Lyon í gjár
 
25.05.2019 - 09:45

Yvirgangs-kanningararbeiði er í gongd, eftir at í minsta lagi sjey persónar fingu skaða í eini spreinging, - helst eini pakkabumbu, í gongugøtuni í franska býnum, Lyon. Bumban brast um nátturðatíð í gjárkvøldið.

Franska blaðið, Le Figaro, skrivar, at ein maður er undir illgruna fyri at hava framt atsóknina. Maðurin er í 30-unum, og var á súkklu.

Macron: – Spreingingin eitt álop

Løgreglan kannar nú upptøkur frá vakmyndatólum, og myndin av manninum, sum løgreglan hevur almannakunngjørt, er frá einum av vakmyndatólunum.

Stór óvissa er um, hvussu nógv fingu skaða av spreingingini  alt frá átta til 13 fólk, men tíðindastovan AP og fleiri franskir miðlar minkaðu í gjárkvøldið talið niður í sjey. Millum annað ein átta ára gomul genta hevur fingið løstir.

Emmanuel Macron, forseti, sigur, at spreingingin er eitt álop. Hann segði einki um, at nakar hevði latið lív, skrivar AFP. Talan skal verða um pakkabumbu, sum varð fylt við skrúvum og seymum.

Er kopiera
Nýggjastu sendingar í ÚV
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762