Føroyingar raskir at arbeiða

Føroyingar raskir at arbeiða
Arbeiðsfjøldin í Føroyum er lutfalsliga tann størsta í Evropa. 88 prosent av føroyskum monnum og 84 prosent av kvinnum arbeiða
86 prosent av øllum føroyingum arbeiða. Arbeiðsfjøldin í Føroyum er lutfalsliga tann størsta í Evropa
 
22.01.2019 - 10:23

Føroyingar eru raskir at arbeiða. Samanborið við onnur lond er vinnutíttleikin í Føroyum, tað vil siga arbeiðsfjøldin í prosentum av fólkatalinum, tann størsti í Evropa, við Íslandi tætt aftanfyri.

Av øllum teim 36.500 fólkunum í Føroyum í aldrinum 15 til 74 ár eru 31.500 í arbeiðsfjøldini, tað vil siga eru vinnuliga virkin. Uttan fyri vinnu eru um 5.000, sambært nýggjum tølum hjá Hagstovuni.

Sostatt er vinnutíttleikin millum føroyingar umleið 86 prosent, roknað fyri bæði kynini. Hjá monnum er vinnutíttleikin 88 prosent og hjá kvinnum nærum eins stórur við 84 prosentum.

Vinnutíttleikin tann størsti í Evropa

Vinnutíttleikin millum føroyingar er umleið 86 prosent, roknað fyri bæði kyn, sum er tann størsti í øllum Evropa. Hetta er eitt av høvuðsúrslitunum av arbeiðsfjøldarteljingini, sum Hagstovan gjørdi í november í fjør.

Í arbeiðsfjøldini eru øll vinnuliga virkin, so sum løntakarar, sjálvstøðugt vinnurekandi og arbeiðsgevarar, arbeiðsleys, ið eru tøk at átaka sær arbeiði, og fólk, sum ólønt hjálpa til í familjufyritøku.

Uttan fyri vinnu eru millum annað ungfólk, ið eru undir útbúgving burturav, fólk sum av sjúku, skerdum førleika ella øðrum ikki eru á arbeiðsmarknaðinum, ella fólk, ið eru farin av arbeiðsmarknaðinum, millum annað av aldri ella øðrum.

Er kopiera
Nýggjastu sendingar í ÚV
Týsdag 25. februar
Góðan morgun Føroyar
188242
Týsdag 25. februar
Morgunlestur týsdagur 25. februar 2025
187864
Mánadag 24. februar
Leon Sólheyg: Koyggjan var uppihaldsrúmið
188223
Mánadag 24. februar
Nú styttist av álvara til kappingarbyrjan
188212
Nýggjastu sendingar í SV
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151