- Tíðindi, mentan og ítróttur
Sakarmálið um Eik tikið uppaftur í Føroyum
Sakarmálið um Eik tikið uppaftur í Føroyum
Dómur er fallin í Danmark. Hans Laksá, sum eisini er ákærdur í Føroyum, varð frídømdur í Danmark
Eik er saksøkt bæði í Danmark og í Føroyum. Stevnt varð eftir 250 milliónum krónum í Danmark. Men Eystari landsrættur sigur, at endurgjaldið er 28,6 milliónir
29.10.2018 - 11:34
Nú dómur er fallin í Eystari landsrætti í sakarmálinum móti teimum, sum stóðu á odda fyri Eik bankanum í Danmark, verður málið móti Eik í Føroyum tikið upp aftur.
Tað verður mánadagin 19. november. Fíggjarligt støðufesti stevndi í 2016 eftir 150 milliónum krónum. Teir saksøktu krevja frídøming.
Teir saksøktu eru Frithleif Olsen, Odd Bjellvåg, Marner Jacobsen, Bjarni Olsen og Hans Laksá. Hans Laksá, sum er grannskoðari, varð annars fríggjadagin frídømdur í sakarmálinum í Danmark.
Er kopiera
Nýggjastu sendingar í ÚV
