Stórur áhugi fyri grundstykkjum í Sjóvar kommunu

Stórur áhugi er fyri at fáa grundstykki í Sjóvar kommunu.

Tí skipar kommunan í morgin fyri almennum fundi um útstykkingarnar á Fríðufløtum og við Hálsatjørn, og hvørjar mannagongdir eru, tá fólk skulu velja sær eitt grundstykki.

Talan er um tilsamans 53 grundstykki. Eftir ætlan verður útstykkingin á Fríðufløtum liðug í ár, útstykkingin við Hálsatjørn norður - sum er suður til rundkoyringina - verður liðug næsta vár, og við Hálsatjørn suður verður útstykkingin eftir ætlan liðug fyri árslok næsta ár.

Í dag eru 39 fólk á listanum til grundstykki í Sjóvar kommunu.

Kunningarfundurin verður í annaðkvøld klokkan 19.