Ísland boykottar HM í fótbólti

Ísland boykottar HM í fótbólti
Ísland boykottar heimsmeistarakappingina í fótbólti í Russlandi orsakað av eiturálopinum á fyrrverandi russiska njósnaran og dóttir hansara
Tað verða ikki íslendsku leikararnar, sum boykotta HM-endaspælið, men øll almenn umboð fyri landið luttaka ikki.
 
27.03.2018 - 14:40

Men boykottið er kortini avmarkað.

Fótbóltslandsliðið hjá Íslandi møtir upp til kappingina, men ongi almenn íslendsk umboð - tað vil siga politikarar og leiðarar - fara at luttaka.Tað sigur íslendska uttanríkismálaráðið í eini fráboðan, skrivar Reuters.

Í fráboðanini stendur, at Ísland útsetir fyribils alt samskifti við Russland á høgum stigi. Tí fara íslendskir leiðarar ikki at vera hjástaddir undir heimsmeistarakappingini í Russlandi í summar. 

18 lond burturvíst diplomatum

Higartil hava 18 lond boðað frá, at tey ætla at útvísa russisk embætisfólk. Talan er um tilsamans 100 sendifólk - hetta er størsta talið á útvístum russiskum sendifólki, síðan kalda kríggið var í hæddini, skrivar Reuters.

Tað var tann 4. mars, at Sergei Skripal og dóttirin vóru løgd á sjúkrahús, tí tey vóru eitrað. Bretski uttanríkisráðharrin, Boris Johnson, hevur lagt russiska forsetan, Vladimir Putin, undir at hava givið boð um at eitra tey. Eisini USA og onnur evropeisk lond siga, at Putin stendur aftanfyri atsóknina.

Í Russlandi vísa tey aftur, at landið hevur nakað at gera við eiturálopið.

Íslendska uttanríkisráðið heldur russiska svarið vera ónøktandi og sigur, at Russland noyðist at geva álítandi frágreiðing um, hvussu tað ber til, at nervaeitur, sum er framleitt í russiskum laboratorium, er brúkt til at leypa á fólk í Bretlandi.

Er kopiera
Nýggjastu sendingar í ÚV
Hósdag 6. februar
Morgunlestur hósdagur 6.februar 2025
186663
Mikudag 5. februar
Skratsj 5. februar 2025
187388
Mikudag 5. februar
Góðan morgun Føroyar
187366
Mikudag 5. februar
Morgunlestur mikudagur 5.februar 2025
186654
Mikudag 5. februar
LEITISSTEIN 04.02.2025
187350
Nýggjastu sendingar í SV
Mikudag 5. februar
Dagur og vika - teknmálstulkað
187371
Týsdag 4. februar
Veðrið
187342
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155