Leita eftir ársins fyrstahjálpara

Reyði Krossur Føroya sóknast eftir evnum at heiðra sum Ársins Fyrstahjálpara.

Tann, sum er í uppskoti, skal í farna ári á serligan hátt hava givið kropsliga ella sálarliga fyrstuhjálp.
 
Ársins Fyrstihjálpari fær heiðursbræv frá Reyða Krossi Føroya og peningagávu frá Betri Trygging.

Reyði Krossur varpar við hesum tiltaki ljós á týdningin av at duga fyrstuhjálp, og at eggja fólki at læra seg fyrstuhjálp, so fleiri lív kunnu bjargast.

Einstaklingar, virki og stovnar kunnu lata inn uppskot.

Evstamark at senda Reyða Krossi inn uppskot er 19. januar. 

Týsdagin 27. februar verður so avdúkað, hvør verður Ársins Fyrstihjálpir, og tað tiltakið verður í hølunum hjá Reyða Krossi á Bryggjubakka í Havn.