Vána fyrisitingarsiður annars í lagi hjá Høgna

Vána fyrisitingarsiður annars í lagi hjá Høgna
Landsstýrismálanevndin liðug við kæruna um Høgna Hoydal
Landsstýrismálanevndin er nú liðug við seinastu kæruna, sum kom í farnu tingsetu.
 
18.12.2017 - 12:09

Tað er ikki góður fyrisitingarsiður fyrst at lýsa eina kunngerð um fiskiskap og síðani broyta hana, eftir at fiskiskapurin er byrjaður.

Men broytingin er ikki ósaklig, sigur meirilutin í landsstýrismálanevndini um broytingina, sum Høgni Hoydal, landsstýrismaður, gjørdi í kunngerð um makrelfiskiskap.

Magnus Rasmussen og Annita á Fríðriksmørk siga eisini, at reiðarí kunnu ikki krevja endurgjald, tí kunngerðin varð broytt.

Fólkaflokkurin kærdi Høgni Hoydal, tí hann fyrst gav nótaskipunum makrelkvotur. Ein mánað seinni tók hann part av kvotunum, 1500 tons, í ES-sjógvi aftur.

Ikki endurgjald

Fólkaflokkurin sigur, at sambært fyrisitingarrættinum er fyrisitingarlig tilsøgn um fiskiloyvi bindandi tilsøgn, sum ikki kann takast aftur.

Verður slík tilsøgn kortini tikin aftur, ber til at krevja endurgjald frá landskassanum. 

Meirilutin í Landsstýrismálanevndini sigur, at her er ikki talan um at taka aftur fiskiloyvi, tí skipini kundu fiska tey 1500 tonsini aðrastaðni.

Meirilutin undrast tó á, at tey 1500 tonsini ikki vórðu tikin av kvotuni til vinnuligar royndir í ES sjógvi, tí eingin hevði søkt um tey tonsini.

Nevndin virðisleys

Minnilutin í Landsstýrismálanevndini, Jógvan Skorheim, vil ikki gera nakra niðurstøðu,

Hann sigur, at Landsstýrismálanevndin fær ikki arbeitt sum hon skal. Neyðugt er at endurskoða reglugerðina hjá nevndini, heimildir og mannagongdir.  

Niðurstøðurnar hjá nevndini eru ikki gjørdar á einum fakliga forsvarligum grundarlagi, sigur Jógvan Skorheim.
 

Er kopiera
Nýggjastu sendingar í ÚV
Týsdag 11. februar
Morgunlestur týsdagur 11.februar 2025
186665
Mánadag 10. februar
Norðurljóð 10.februar 2025
187245
Mánadag 10. februar
Hvør skal venja landsliðið
187571
Nýggjastu sendingar í SV
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497
Fríggjadag 7. februar
Jazzygold og Løgmaður
187369
Fríggjadag 7. februar
Heim, kæra heim (3:3)
187463