Nýggjur stjóri fyri gymnasialt miðnám

Elsa Maria Holm Olsen er sett í starv sum útbúgvingarstjóri fyri gymnasialt miðnám, sum er størsta virkisøkið á Glasi.
Elsa Maria er útbúgvin cand.mag. í donskum bókmentum við hjánámi í mentan og samskifti.

Hon hevur diplom í leiðslu frá Robert Gordon University, er útbúgvin pedagogikumvegleiðari og hevur tikið fleiri leiðsluskeið í Føroyum, Danmark og Sveis.

Hon hevur starvast í Hoydølum síðani 2011 og arbeiddi sum deildarleiðari á Handilsskúlanum á Kambsdali frá 1997 til 2002 og á Handilsskúlanum í Tórshavn frá 2002 til 2005.

Elsa Maria Holm Olsen hevur eisini undirvíst á Nordfyns Gymnasium og Tietgen Skolen í Danmark frá 1991 til 1997 og verið stjóri á Rúsdrekkasølu Landsins frá 2005 til 2012.
Hon tekur við starvinum 1. september.

Glasir, sum er Føroya størsti útbúgvingarstovnur, hevur 250 starvsfólk og 1.500 næmingar og lesandi.