Summarvika í Klaksvík

Hesa vikuna verður summarvika í Klaksvik.

Tað eru Klaksvíkar kommuna og Summarfestivalurin, sum í samstarvi við onnur skipa fyri summarvikuni, og hon er, sambært fyriskiparunum, upphiting til Summarfestivalin, sum byrjar hósdagin. 

Nógv tiltøk eru á skránni til leygardagin, millum annað altjóða sálmakvøld í Christianskirkjan, karnevaldansur gjøgnum býin, framførsla við íslendska Performance Art -bólkinum CGFC í gomlu brandstøðini, uttandura talvkapping, har stórmeistari í talvi Helgi Dam Ziska bjóðar av.

Eisini verður uttandurakonsert við teimum 30 ungu tónleikaranum, ið hesa vikuna eru við á tónleikaverkstovum í Norðurlandahúsinum.

Harumframt eru fleiri onnur tiltøk á skránni, eitt nú fleiri framsýningar. 

Skráin fyri summarvikuna sæst her