Dylan fær heiðurslønina um vikuskiftið

Dylan fær heiðurslønina um vikuskiftið
Hátíðarhaldið var í desember, men ikki fyrr enn nú fær heimskendi sangarin og sangskrivarin Nobel-heiðurslønina
Bob Dylan fer um vikuskiftið at taka ímóti Nobel-heiðurslønini í bókmentum, sum honum varð tillutað á hátíðarhaldi í Stokkhólmi í desember
 
29.03.2017 - 15:36

Bob Dylan fer um vikuskiftið at taka ímóti Nobel-heiðurslønini í bókmentum, sum honum varð tillutað á hátíðarhaldi í Stokkhólmi í desember í fjør, upplýsir Svenska akademiið.

Ein av treytunum, fyri at kunna fáa peningin, 6,2 milliónir krónur, sum fylgir við Nobel-heiðurslønini, er, at vinnarin skal halda ein fyrilestur tá heiðurslønin verður móttikin.

SÍ EISINI Bob Dylan hevur skund

Óvissa hevur valdað um peningaligu gávuna, tí Svenska akademiið ikki hevur hoyrt frá Bob Dylan í fleiri mánaðir. Nú er greitt, at heiðurslønin verður handað um vikuskiftið, váttar akademiið.

- Svenska akademiið og Bob Dylan hava avgjørt at hittast um vikuskiftið. Vit fara at handa honum heiðurslønina og ynskja honum til lukku, sigur Sara Danius, frá Svenska akademinum, sambært Ritzau.

Bob Dylan fer at spæla tvær konsertir í Stokkhólmi um vikuskiftið. Umboð fyri Svenska akademiið verða við til konsertina, og fara at handa honum skreytbrævið fyri Nobel-heiðurslønina í bókmentum 2016.

Er kopiera
Nýggjastu sendingar í ÚV
Hósdag 3. apríl
Morgunlestur hósdagur 3.apríl 2025
189978
Mikudag 2. apríl
Eitt korter við klassiskum
190152
Mikudag 2. apríl
Morgunlestur mikudagur 2.apríl 2025
189977
Týsdag 1. apríl
LEITISSTEIN 01.04.2025 (Blátt Gras)
190130
Nýggjastu sendingar í SV
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125
Sunnudag 30. mars
Andakt
190022
Sunnudag 30. mars
Møti úr Nebo á Toftum
190017