Ups! Kunngjørdu skeivan vinnara

Tað, sum ikki skal henda, hendi, tá árligu Oscar-virðislønirnar, ið heiðra teimum bestu filmunum, vórðu lætnar í Los Angeles í nátt.

Tann skeivi filmurin varð tilnevndur týdningarmestu Oscar-virðislønina, tá árliga handanin fór fram í nátt okkara tíð.

Meðan umboð fyri filmsliðið og sjónleikarar í filminum La La Land vóru á pallin og takkaðu fyri heiðurin sum besti filmur, uppdagaðu fólk mistakið.

Greinin heldur fram niðanfyri

Tað vóru royndu sjónleikararnir Warren Beatty og Faye Dunaway, sum høvdu fingið heiðurin at handa seinastu Oscar-heiðurslønina í nátt.

Men av higartil ókendum orsøkum segði Fay Dunaway, at La La Land fekk Oscar-virðislønina fyri besta filmin.

Ruðuleikin gjødist ikki minni av, at umboð fyri filmin vóru longu upp á pallinum og takkaðu, tá tað brádliga gjørdist greitt, at tað var ein annar filmur, sum átti henda heiður. 

Pappírið, har navnið á vinnandi filminum, "Moonlight", stóð á sum Ársins filmur varð víst út í salinum, og so komu umsíður røttu vinnararnir á pallin og fingu Oscarin.