Minesto vil hava føroyskar íleggjarar til sjóvarfalsdrekar

Minesto vil hava føroyskar íleggjarar til sjóvarfalsdrekar
Enn eru avmarkað ítøkilig úrslit at vísa á, men svenska fyritøkan ætlar at leingja royndarverkætlanina í Vestmannasundi fimm ár aftrat
Stór drekin hjá Minesto verður settur út aftur í Vestmannasund, so skjótt tað viðrar. (Savnsmynd)
 
04.02.2025 - 13:18

 Svenska fyritøkan Minesto vil hava føroyskar fyritøkur at gera íløgur fyri 30 milliónir evrur, 224 milliónir krónur, í eitt dótturfelag hjá Minesto, smápartafelagið Drekan, sum skal reka verkætlanina við sjóvarfalsdrekum í Føroyum.

Eftir ætlan skulu fleiri lundir við sjóvarfalsdrekum vera á fleiri firðum um landið.

Lundirnar skulu framleiða 200 MW av streymi í 2032. Tað svarar til umleið 40 prosent av streymnýtsluni á landi. 

Minesto hevur higartil bara avmarkað ítøkilig úrslit at vísa á við sjóvarfalsdrekunum.

Felagið hevur havt royndarloyvi í Vestmannasundi í fimm ár og hevur roynt seg við bæði minni og størri drekum.

 

Martin Edlund er stjóri í Minesto.

 

Tann stóri 1,2 MW drekin var settur út í Vestmannasundi í februar í fjør, men hann var tó bara virkin í fýra mánaðir, tá ið hann var tikin uppaftur. Ætlandi verður hann settur út aftur í Vestmannasund fyrsta dagin, tað viðrar.

Loyvið hjá Minesto fer úr gildi 28. februar, tað vil siga um góðar tríggjar vikur.

Arbeitt verður í samstarvi við SEV at gera nýggja umsókn at leingja royndarverkætlanina í Vestmannasundi fimm ár aftrat.

Hoyr innslag í útvarpstíðindunum: 

 

04032025_Minesto

 

Um føroyskar fyritøkur ella einstaklingar ikki koma við øllum pengunum, væntar Minesto, at útlendingar fara at seta pengar í verkætlanina.


 

Er kopiera
Nýggjastu sendingar í ÚV
Leygardag 8. mars
Jambalaja - 080325
188856
Leygardag 8. mars
Upp á tá - 070325
188847
Leygardag 8. mars
Vikan 8. mars 2025
188843
Leygardag 8. mars
Morgunlestur leygardagur 8. mars 2025
188663
Nýggjastu sendingar í SV
Fríggjadag 7. mars
Djóralækni og skúlastjóri
188123
Fríggjadag 7. mars
Dagur og vika - teknmálstulkað
188792
Fríggjadag 7. mars
Veðrið
188823
Hósdag 6. mars
Foytar greyðir 2025
188766