Gera nýggja tíðarætlan fyri Glasir

Gera nýggja tíðarætlan fyri Glasir
Arbeiðið upp á skúladepilin í Marknagili verður helst seinkað upp aftur meira av stormskaðanum um jólini
 
27.01.2017 - 09:14

Ikki fyrr enn takið á Glasi er liðugt, fer Landsverk undir at seta eina nýggja tíðarætlan fyri, nær bygningurin hjá Glasi verður liðugur.

Bygingurin fekk skaða í ódnunum um jólini, sum skræddu fyribils takverjuna av.

Ætlanin var, at Landsverk skuldi koma við eini meting um, nær arbeiðið kundi vera liðugt, um hálvan januar.

Men tað verður ikki gjørt fyrr enn takið er liðugt, sigur Evald Kjølbro, stjóri á Landsverki.

Fyri at sleppa undan at slíkt hendir aftur, er ferð sett á at gera takið liðugt.

Viðrar illa

Og støðan er ikki stórvegis broytt, tí veðrið hevur ikki verið til vildar at arbeiða á takinum á Glasi.

Kortini sigur stjórin á Landsverki seg vóna, at arbeiðið at gera takið liðugt, verður liðugt í næstu viku. Men treytin er, at veðrið batnar.

Tað er serliga á sættu hædd, at vindskaðin forðar arbeiðinum, men arbeiðsgongdin í bygninginum er broytt, so arbeiðast kann aðrastaðni í bygninginum í staðin.

Arbeiðið á Glasi er seinkað, og útlit eru fyri, at arbeiðið verður upp aftur meira seinkað av stormskaðanum, sigur Ewald Kjølbro, stjóri á Landsverki.

 

Er kopiera
Nýggjastu sendingar í ÚV
Mikudag 23. apríl
Kamarkórið 40 ár
190994
Mikudag 23. apríl
Góðan morgun Føroyar
190988
Mikudag 23. apríl
Morgunlestur mikudagur 23.apríl 2025
190969
Týsdag 22. apríl
LEITISSTEIN 22.04.2025 (Deja Vu)
190977
Nýggjastu sendingar í SV
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949
Týsdag 22. apríl
3-2 (7. apríl 2025)
190948
Týsdag 22. apríl
3-2 (31. mars 2025)
190947
Týsdag 22. apríl
3-2 (24. mars 2025)
190946