Ráð verður umskipað

Eitt formligt samstarv millum øll aðalráðini er neyðugt, so allur breksáttmálin, og ikki bara partar av honum, verða settir í verk í Føroyum.

Tað segði Eyðgunn Samuelsen, landsstýriskvinna í almannamálum, í røðu, sum hon helt leygardagin, altjóða brekdagin.

Sambært galdandi reglugerð fyri Ráð teirra brekaðu, skal ráðið geva landsstýrinum ráð í øllum almennum málum, sum hava týdning fyri viðurskiftini hjá brekaðum í Føroyum.