Flýggjaðu frá brennandi flóttafólkalegu

Útivið 4.000 fólk í eini flóttafólkalegu á griksku oynni, Lesbos, eru flutt burtur, eftir at eldur kyknaði í leguni mánakvøldið

Fólk í túsundatali flýggjaðu mánakvøldið frá einari flóttafólkalegu á griksku oynni, Lesbos, tá eldur kyknaði í leguni

Mynd: AP

Sigrún H. Brend

Bjarni Mohr

20.09.2016 - 09:48

Triðingurin av tjøldunum og bústøðunum eru farin upp í royk, upplýsir BBC. Eingi hevur fingið skaða. Fleiri fjølmiðlar hava víst myndir av meturhøgum eldslogum.

Løgreglan kannar, um eldurin á ásettur. Sambært ST-flóttafólkastovni eru í løtuni 5.600 flóttafólka á Lesbos. Men oyggin hevur bara umstøður til at hava 3.600, skrivar BBC.

Greinin heldur fram niðanfyri

Thousands of migrants flee Moria camp on Greek island of Lesbos after fire sweeps through it, police say https://t.co/keEmkmuXZH
— BBC Breaking News (@BBCBreaking) September 19, 2016

Samanbrestir vóru í flóttafólkaleguni mánakvøldið, sigur grikska tíðindastovan, ANA. Ófriðurin er helst íkomin, tí tíðindi vóru farin at ganga um, at meginparturin av íbúgvunum í leguni skuldu flytast til Turkaland.

Fleiri av migrantunum, sum eru á griksku oynni, Lesbos, stúra fyri at verða flutt til Turkalands, upplýsir korrespondenturin hjá BBC.