Halda seg ikki til kunngerðina

Landsgrannskoðanin sigur, at nógvar rokningar eru bókaðar seint í 2015, hóast vøran ella tænastan ikki eru latnar fyrr enn í ár.

Hetta ger, at landsroknskapurin verður ikki rættur, og tað er als ikki í lagi, sigur Landsgrannskoðanin. Summir stovnar leggja ikki í at halda roknskaparkunngerðini.

Tað er eyðsæð, at stovnar bíða til síðstu løtu at bíleggja vørur og tænastur, sum ikki eru átrokandi.

Úrslitið er ofta, at vøran ikki kann latast í sama fíggjarári, sum stovnarnir vilja bóka hana, sigur Landsgrannskoðanin.