Fleiri strandfaraskip á beding

Trý skip hjá Strandfaraskipum landsins skulu á beding nú í september. Og til í morgin kann roknast við seinkingum hjá Smyril, tí tann eini motorurin verður umvældur.

Smyril siglir tí bara við trimum motorum. Sildberin er longu farin á beding, og Súlan siglir á skúvoyarleiðini til 21. september.

12. september, mánadagin, fer Ritan á beding. Sildberin siglir tí alla næstu viku til Svínoyar og Fugloyar. Ternan fer eisini á beding mánadagin. Hon kemur aftur 23. september.

Jósup røkir Nólsoyarleiðina, meðan Ternan er á beding. Sam ger kortini fýra farmatúrar til Nólsoyar í tíðarskeiðinum.