Brúk fyri fleiri terapeutum

Brúk fyri fleiri terapeutum
Neyðugt er at seta 17 terapeutar afturat, skal endurvenjingin hjá sjúkrahúsunum vera nóg góð, sigur arbeiðsbólkur í nýggjum tilmæli.
 
04.07.2016 - 15:06

Skal endurvenjingin hjá sjúkrahúsunum vera nóg góð, skulu tey seta 17 terapeutar afturat. Tað sigur arbeiðsbólkurin, sum gjørdi tilmæli um samskipaða endurvenjing.

Men tey, sum gjørdu menningarætlanina, taka ikki so rívan til. Semja er ikki millum fakfólk um, hvussu nógv neyðugt er at útbyggja endurvenjingina í sjúkrahúsverkinum.

Í menningarætlanini fyri sjúkrahúsverkið verður mælt til at brúka fýra milliónir krónur afturat til fysioterpeutar og ergoterapeutar.

17 ársverk afturat

Í tilmælinum um samskipaða endurvenjing verður mælt til at seta 17 ársverk afturat í sjúkrahúsverkinum, 13 í Havn og tvey á Tvøroyri og í Klaksvík, og tey kosta 8,5 milliónir krónur.

So leingi endurvenjing liggur hjá trimum myndugleikum, sjúkrahúsverkinum, almannaverkinum og kommununum, verður sera torført at gera eina lóg, sum heilt greitt ásetir uppgávubýtið og ábyrgdarbýtið.

Tað heldur arbeiðsbólkurin, sum hevur gjørt álit um skipaða endurvenjing. Arbeiðsbólkurin hevur uppskot um kunngerðir, sum siga, hvussu endurvenjingin skal býtast millum sjúkrahúsverkið og almannaverkið.

Kunngerð send til hoyringar

Heilsumálaráðið hevur longu sent kunngerðina um endurvenjing í sjúkrahúsverkinum til hoyringar,

Arbeiðsbólkurin mælir til, at øll endurvenjing verður uppraðfest, millum annað fyri at tryggja øllum tilboð um endurvenjing, sama hvar í landinum, tey búgva.

Sambært tilmælinum um endurvenjing hevur Almannaverkið brúk fyri 3,6 milliónum afturat, skulu tilboðini um endurvenjingin vera nóg góð.

Tey fimm punktini í tilmælinum

Arbeiðsbólkurin hevur fimm yvirskipað tilmæli. Mælt verður til, at

● endurvenjing verður raðfest

● tilboðini hjá landinum verða landsfevnandi

● ábyrgdarbýtið millum heilsuverk, almannaverk og kommunur gerst greiðari við lóggávu

● serkøna endurvenjingin verður á sjúkrahúsunum, og onnur endurvenjing verður á sjúkrahúsum, í almannaverkinum og í kommununum

● samstarvið og samskiftið millum allar partar verður styrkt við einari endurvenjingarætlan og við samskipan.

Arbeiðsbólkurin sigur, at serliga í sjúkrahúsverkinum eru ov fá tilboð. Á nógvum serøkjum er eingin serkøn endurvenjing.

Er kopiera
Nýggjastu sendingar í ÚV
Mánadag 13. januar
Húsbóndin í gulu húsunum
186239
Mánadag 13. januar
Dreymsótt 13.partur
186216
Mánadag 13. januar
Orðaval #8 - jól og veður
186210
Mánadag 13. januar
Góðan morgun Føroyar
186207
Mánadag 13. januar
Morgunlestur: Mánadagur 13.januar 2025
186197
Nýggjastu sendingar í SV
Mánadag 13. januar
Við Gutta á fjalli - teknmálstulkað
186212
Mánadag 13. januar
Hansina - teknmálstulkað
186205
Sunnudag 12. januar
Guðstænasta úr Vestmanna kirkju
186190
Leygardag 11. januar
Nýggjárskonsertin 2025
186182
Fríggjadag 10. januar
Dagur og vika - teknmálstulkað
186125