14 fólk myrd í Kalifornia

Fólkini, ein maður og eina kvinna, flýddu í einum bili, sum løgreglan jagstraði. Tað endaði við skotbardaga, og gerningsfólkini doyðu.

Maðurin er eyðmerktur, og hann hevur starvast hjá heilsumyndugleikunum. Gitt verður, at talan er um eina hevndaratsókn.

Greinin heldur fram niðanfyri

Couple's motive in California rampage a mystery for police, family https://t.co/DK0LLN9iWg pic.twitter.com/12yjbnWm0l

— Reuters Top News (@Reuters) December 3, 2015

Eisini verður nevnt, at talan kann vera um yvirgang. 14 fólk doyðu og 17 vórðu særd, tá fólkini trokaðu seg inn á miðstøðina við tungum vápnum.

Í fyrstu atløgu vildi løgreglan vera við, at bara ein gerningsmaður var, men nú verður sagt, at kanska vóru tað tríggir.

Løgreglan hevur tikið ein persón aftrat, men tað er ikki greitt, um hann var uppi i atsóknini í gjár.