Róðrarsambandið biður Nólsoying um umbering

Nevndin í róðrarsambandinum biður manningina á 10 mannafarinum Nólsoyingi um umbering, tí manningin av órøttum var løgd undir at hava brotið reglurnar viðvíkjandi báti og trygd. 

Tað snýr seg um ein lista hjá lærmonnunum á Nósloyingi, sum teir, beint undan róðrinum, vórðu bidnir um at taka av, tí hann var ólógligur.

Men nú skrivar Róðrarsambandið, at listin hjá lærmonnunum á Nólsoyingi, sum alt kjakið snúði seg um, var als ikki ólógligur, sum tað annars var borið fram av Róðrarsambandinum. 

      Hoyr samrøðu við Magnus I. Holm, róðursmann á Nólsoyingi um málið 

      Sí innslag frá norðoyastevnu, tá manningin mátti taka listan úr

Róðrasambandið skrivar víðari: At listin mátti takast úr bátinum, man heilt sikkurt hava órógvað manningina á Nólsoyinginum sera nógv í róðrinum hendan dagin, og tað harmast nevndin í Róðrarsambandinum um. Men gjørt er gjørt, og nevndin kann ikki annað enn læra av hesum og syrgja fyri, at sama mistak ikki hendir aftur.

Róðrarsambandinum tekur í egnan barm og vil alment umbera mistakið, stendur á heimasíðuni hjá Føroya Róðrarsambandi.

Nólsoyingur gjørdist aftasti bátur á róðrinum á norðoyastevnu.