- Tíðindi, mentan og ítróttur
Grønland stúrir ikki fyri ES í makrelmálinum
<div>Nevndarformaðurin í Polar Seafood í Grønlandi, Henrik Leth, stúrir ikki fyri, at ES eisini fer at seta Grønlandi handilsforðingar, nú Grønland er farið at fiska makrel.</div><div><br></div><div>Hann sigur, at sambært havrættarsáttmálanum hevur Grønand rætt til at fáa lut í teimum stovnum, sum eru í grønlendskum sjógvi, eisini í stovnunum, sum ferðast. </div><div><br></div><div>Tí dugir hann ikki at síggja, at ES fær ilt av royndarfiskiskapi eftir makreli við Grønland. </div><div><br></div><div><b>Noyddust til Kina</b></div><div><br></div><div>Henrik Leth sigur við grønlendska kringvarpið, at Royal Greenland og Polar Seafood noyddust heilt til Kina eftir skipum at fiska makrel, tí myndugleikarnir í Føroyum, Íslandi og Danmark noktaðu skipum haðani at fiska makrel fyri grønlendingar. </div><div><br></div><div>Polar Seafood noyddist eisini at fara heilt suður til Kili eftir einum trolara at fiska makrel, tí felagið kundi heldur ikki fáa trolara við manning úr Íslandi.</div><div><br></div><div>Henrik Leth hevur lítið gott at bera íslendingum, tí Ísland vil heldur ikki loyva, at makrelur úr Grønlandi verður landaður í Íslandi. </div><div><br></div>
