- Tíðindi, mentan og ítróttur
Grønland á veg upp í makrelkríggið
<div>Grønlendska landsstýriskvinnan í fiskivinnumálum, Ane Hansen, hevur biðið íslendska starvsbróður sín um eina frágreiðing, eftir at grønlendska nótaskipið, Erika, ikki slapp at landa makrel í Íslandi.</div><div><br></div><div><b>Royndarloyvi</b></div><div>Erika hevur royndarloyvi at fiska makrel í grønlendskum sjógvi og hevur 550 tons. Sleppur skipið ikki av við makrelin skjótt, fer hann til ídnað, og tá fæst nógv minni fyri hann.</div><div><br></div><div>Ætlanin var at royna at landa í Føroyum, skrivar blaðið Sermitsiaq.</div><div> </div><div>Ísland brúkar júst somu grundgeving sum Norra og ES brúka móti Íslandi og Føroyum. Tað er, at ikki er loyvt at keypa fisk frá útlendskum skipum, sum fiska av stovnum, sum semja ikki er um.</div><div><br></div><div><b>Eisini steðgað íslendskum trolarum</b></div><div>Og íslendskir myndugleikar hava steðgað tveimum íslendskum trolarum, sum við grønlendskum loyvi gera royndir eftir makreli í grønlendskum sjógvi.</div><div><br></div><div>Tveir stórir frystitrolarar, annar er gamli Hvilvtenni, royna eftir makreli við Eysturgrønland. Talan er um royndarveiðu fyri grønlendska landsstýrið.</div><div><br></div><div>Men íslendska fiskimálaráðið hevur givið skipunum boð um at gevast. Orsøkin er, at íslendsk skip skulu hava loyvi frá íslendsku myndugleikunum at fiska aðra staðni enn í íslendskum sjógvi. Og slíkt íslendskt loyvi hava trolararnir ikki, sum við grønlendskum loyvi fiska makrel í grønlendskum sjógvi.</div><div><br></div><div>Herfyri noktaði føroyska Fiskimálaráðið føroyskum skipum at gera eina roynd eftir makreli í altjóða sjógvi í Irmingarhavinum. </div><div><br></div><div><b>Erika avreitt í Fuglafirði</b></div><div>Seinasta nýggja er, at Erika í gjár var á Fuglafirði, har makrelurin var avreiddur til Havsbrún. Veiðan var ov gomul til matna, og tískil fer alt til ídnað.</div><div><br></div><div>Íslendingar eiga ein triðing í Eriku.</div><div><br></div>
