Torg verður nú gjørt í Hoyvík

Tórshavnar Kommuna fer nú undir at gera eitt torg í Hoyvík.

Málið var til viðgerðar á býráðsfundi í gjár. 

Í viðgerðini stendir millum annað, at tað síðani kirkjan í Hoyvík var liðugt bygd í 2007, hevur verið stórt ynski um at fáa gjørt uttanumøkið liðugt.

Kirkjan er staðsett við Hoyvíkar skúla sum nærmasta granna, sunnast á Karlamagnusarbreyt, sum er útnevnt til miðstaðargøtuna í Hoyvík.

Karlamagnusarbreyt, Myllutjørn

Savningarstað fyri alla Hoyvíkina

Økið, sum liggur millum kirkjuna, skúlan og Karlamagnusarbreyt, stendir í dag ógreitt og óliðugt. 

Ætlanin er, at økið verður gjørt til eitt torg, sum tekur hædd fyri virkseminum í økinum og samstundis ger torgið til eitt savningarstað fyri alla Hoyvíkina til hátíðarløtur og líknandi, stendir í fundarfrásøgnini hjá Kommunni

Býráðið samtykti at bjóða ráðgeva at koma við uppskoti til skipan og sniðgeving av torginum.

I løtuni verður arbeitt við hesi kirkjugarðsleið, og verður í næstum farið undir at knýta leiðina í økið, har torgið skal gerast. Hetta er somuleiðis við til at gera, at tað er júst nú, at farið eigur at verða undir at fáa torgið sniðgivið, stendir millum annað í frágreiðingini.