Miðlastuðulin staðið í stað síðani 2017

Blaðútgevarar mæla til, at farið verður aftur til skipanina við miðlastuðuli, sum var galdandi fyri 2021. 

Men játtanin skal hækka sambært fíggjarlógaruppskotinum, og 2,5 milliónir krónur skulu latast til at reka bløðini.

Ein minni upphædd skal latast øðrum miðlum. 

Upphæddin skal javnast hvørt ár, sigur Blaðútgevarafelagið.

Gott at KVF verður tryggjað

Felagið fegnast um, at landsstýrið vil tryggja grundarlagið hjá Kringvarpinum.

Samstundis minnir felagið landstýrið og løgtingið á at viðgera miðlastuðulin í sama álvara sum kringvarpsgjaldið.

Miðlastuðulin hevur staðið í stað síðani 2017. 

Tí fegnast felagið um, at landsstýrið í fíggjarlógaruppskotinum ætlar at hækka stuðulin. 

Óhóskandi skipan

Í 2021 var grundleggjandi broyting gjørd í miðlastuðlinum, tá størsti parturin var latin til verkætlanir. 

Hendan skipan er sera óhóskandi og trupul at umsita, siga blaðútgevarar. 

Teir mæla til, at farið verður aftur til skipanina, sum var galdandi fyri 2021. 

Og teir mæla staðiliga frá at gera tær broytingar, sum Mentamálaráðið hevur boðað frá í sambandi við uppskotið um fíggjarlóg.