Føroyingar keypa færri akfør

Akførini eru framvegis færri í ár enn í sama mánað í fjør.

Í oktober vóru skrásett 125 akfør, 10 færri enn í oktober í fjør.

Persónbilarnir eru sjey færri í ár.

Til 1.november eru skrásett 1792 akfør, 158 færri enn til 1.november í fjør.

Tað eru 8,10 prosent færri akfør.

Innflyta brúkt akfør

Men tá talan er um brúkt akfør, sum eru innflutt, er støðan ein onnur.

Har eru 37 í oktober í ár, 18 fleiri enn í oktober í fjør.

25 brúktir persónbilar komu í oktober, 18 fleiri enn í oktober í fjør. 

Men til 1.november er talið 224, seks færri enn í fjør.