Maskinmeistarafelagið: Vit stuðla sjúkrarøktarfrøðingunum

“Maskinmeistarafelagið boðar limum sínum frá at felagið stuðlar “Felagnum Føroyskir Sjúkrarøktarfrøðingar” í sínum verkfalli og vil í hesum sambandi lýsa 24-tíma samhugaverkfall við gildi frá á midnátt hóskvøldið tann 02. nov. 2023 til á midnátt fríggjakvøldið 03. nov. 2023.

Samhugaverkfallið fevnir allar limir felagsins, sum eru starvsettir í almennari tænastu á landi.

Stovnar ið eru umfataðir hesum sáttmála eru: Arbeiðs- og brunaeftirlitið, Landsverk, Sjóvinnustýrið, Landssjúkrahúsið og limir sum arbeiða hjá Strandferðsluni á landi.